Aya sakitan anu dijagragkeun ka pangadilan lantaran dituduh maling
domaba.
Hakim : "Bener maneh maling domba?"
Sakitan : "Teu pisan-pisan Pa Hakim!"
Hakim : "Naha teu ngaku? Kapan ieu buktina tambang aya di imah
maneh?"
Sakitan : "Henteu, Pa Hakim, abdi mah teu rumaos maling domba!"
Hakim : "Ari ieu tambang?"
Sakitan :"Abdi teh wangsul ti kebon, dijalan mendakan tambang, nya
dibantun weh lumayan kanggo sasampayan. Ari dugi ka rorompok,
singhoreng tambang teh tungtungna nyangkol kana beuheung domaba.
Numawi abdi mah sanes niat bade maling domba."
Hakim : "Oh..kitu! Lamun kitu mah putusan dirobah. Maneh dihukum
kulantaran manggih tambang di jalan. Kumaha?"
Sakitan : "Tah, abdi nampi upami kitu mah!"
"Mang kersa teu narik munding ka pasar?" ceuk saurang lalaki ka
supir treuk. Supir treuk anu titadi can narik pisan semu atoh, pok
nyarita, "sok wae bawa atuh mundingna kadieu."
Leos jalema nu tadi teh indit, rek nyokot munding tea maksudna mah
meureun. Rada lila inditna teh.
Torojol datang deui nyampeurkeun supir treuk, "Mang moal cios ah
narik munding teh", pokna.
"Naha?" supir treuk semu handeueuel.
"Mundingna ngaradat, tumpak mobilna haroyongeun di payun!".
0 komentar:
Posting Komentar